你好治療師: 我好想移民，但係好擔心媽咪咁高齡要獨立生活會遇好多挑戰，唔想留低佢一個人...

你好治療師，

我而家38歲,住喺香港。我嚟自一個好緊密嘅家庭,媽咪一直係我哋屋企嘅中心人物，維繫住我哋個家庭。我爸爸15歲嗰陣候就已經離世，留低我媽咪獨自撫養我同弟妹。

爸爸唔在之後嘅呢啲年頭，媽咪完全投放心神去照顧我哋呢個家庭，做出無數犧牲嚟確保我哋好好照顧同有機會發展。佢拼命工作，成日都要兼職，用經濟上同情緒上嘅支持養大我哋。佢嘅無私關愛同支持，就係我人生嘅基礎。

幾年前，我開始策劃同考慮搬去英國嘅可能性。呢個決定絕對唔係輕率做嘅，因為咁等於要離開我一直住嘅唯一地方，同埋我最重要嘅家人。但係，我有一種不安定感，想探索新嘅地方。

我最遲疑嘅主要原因，係我對70歲嘅媽咪有強烈嘅責任感同埋依戀，而佢表示想留喺香港。我已經同媽咪討論過可能遷移嘅事，佢非常支持。但係，我好擔心媽咪咁高齡要獨立生活會遇好多挑戰，唔想留低佢一個人。

我陷入左我自己嘅抱負同照顧我媽咪嘅責任之間。媽咪佢咁多年來一直係我哋呢家人嘅堅實基石。我根本唔能夠想像離開佢獨立面對，尤其係在佢嘅金燦時光。

呢個情況令我感到好大嘅情緒煎熬同猶豫。我正努力嘗試在個人目標同家庭責任取得平衡。我希望可以得到您嘅指導同專業意見，幫我去處理呢個複雜嘅處境。

無名氏

你好無名氏,

好多謝你同我哋分享你內心嘅掙扎。我感覺到你個人自我與母親嘅影響之間存在著矛盾。你想追求新嘅體驗同獨立嘅生日，同時你又深深局限於你媽媽嘅影響。呢兩個層面都好重要，都值得尊重而唔可以忽視。

你媽媽多年來嘅愛護對你嚟講令你成為左一個有承擔感嘅人。而家你想要反過來保護媽媽，反映出你哋嘅關係其實好健康。但如果你太著緊媽媽，可能就會妨礙你個人成長。

失去你爸爸嘅早逝,對你造成深遠影響，而你媽媽之後嘅照顧，亦都將你嘅自我意識同安全感造就出來。當有父母離世，小朋友嘅內心都會冒出一啲被遺棄、死亡同親人離世嘅恐懼。你媽媽嘅無私付出令到你希望可以喺媽媽身上搵到穩定、安全同認同。

某程度上，同媽媽分隔可能會令到你再次感到被遺棄，又或者會擔心媽媽無咗你照顧嘅話會發生啲乜嘢壞事，呢啲恐懼都係正常同可理解，因為出自於你嘅家庭背景。

另一方面，你渴望自由展翅飛翔嘅願望，反映你愈來愈成熟嘅自我，需要自主性同新嘅體驗。但離開媽媽可能會喚起你內心好真實同好久遠嘅恐懼。你可能會視離開為背棄無私奉獻嘅媽媽，源於你對媽媽嘅深深愛意同忠誠。

你非常感激同關懷媽媽對你嘅巨大犧牲，亦都給了你強烈嘅責任感。可以明白到，你可能會感到罪疚，如果你嘅選擇無將媽媽嘅需求放喺首位。情況中嘅陰影面，就係呢種罪疚感可能會限制你嘅自由，同時亦都限制了媽媽嘅自由。

罪疚係一種沉重嘅情緒。通常來自嚴厲批判嘅內心聲音。反思下呢種專制嘅「超我」觀點係咪來自內化，以同情心取締佢可能會有幫助。比如當你聽到內心嘅批評：「你想獨立係自私嘅」，你可以嘗試以同理心嘅態度回應:「我媽媽對我嘅愛係好深,但我而家已經係個大人，都應該過自己嘅人生。我可以尊重佢嘅同時亦可以追求自我成長同實現目標。」(講永遠都比實踐簡單，一開頭呢種同理心嘅態度可能唔會有太大說服力。不過只要你每日重複練習，你就感受到同理心嘅正面影響，內心亦都會慢慢改變。)

獨立唔等於要放棄照顧 - 你仍然會支持媽媽,就好似媽媽曾經支持你一樣。或者你可以將今次視為成長嘅階段，等你能夠從遠處繼續養育你哋嘅連繫。定期網上通話、同埋媽媽更新你嘅生活近況、喺日常生活嘅大小事上面徵詢佢嘅意見，以及以真誠心維持聯繫，都可以令媽媽安心。通過實際同情感層面嘅坦誠對話，我相信你可以搵到一個兼顧責任同追求豐盛人生嘅平衡。呢個角度你覺得有共鳴嗎?

以同理心同耐心對待自己同跟媽媽嘅關係，進行深入反思，咁樣呢啲相互抵觸嘅力量就可以得到調和。自我認知係搵到解決方案嘅第一步，尊重你嘅心理需求。希望我嘅意見可以為你喺呢個複雜嘅十字路口提供一啲方向。

Dr. Hei Chang, PsyD, CPsychol, AFBPsS

Co-founder of BHKPS

「你好治療師」僅供參考，不能替代專業醫療建議。任何健康問題，請務必徵詢您的醫生、心理專業人士或其他合資格的健康提供者。「你好治療師」不構成醫療建議，也不能替代專業醫療建議、診斷或治療。